Forstudie av moglegheitene for utvikling av interkommunale tenestesamarbeid i Vest-Telemark

Description

Vest-Telemarkregionen har allereie etablert eit solid fundament for interkommunalt samarbeid gjennom m.a. barnevern, NAV, renovasjon, brannvern og IKT. Samarbeidet har bidratt til å bygge sterke fagmiljø i små kommunar, som har vist seg å være effektive når det gjeld å utvikle tenester til kommunane sine innbyggarar. Utfordringsbiletet særleg knytt til kommuneøkonomi, rekruttering og demografi som kommunane i regionen står overfor i åra som kjem, gjer til at Vest-Telemarkrådet har ser at tida er inne for å sjå på kva nye tenesteområde og støttefunksjonar som kan vere laglege å samarbeide om. Ein ønskjer ein rapport/forstudie som foreslår kva kommunane kan samarbeide om, og korleis samhandlinga kan utviklast med sikte på at utfordringane blir overkommelege og omstillinga ikkje smertar meir enn naudsynt. Rapporten kan ta føre seg tenesteutviklingssamarbeid mellom to til seks kommunar, men ikkje kommunesamanslåing.