Prøvebustad Mobø - Mikrohus

Tender summary

Vinje kommune skal inngå avtale om ei totalentreprise for prosjektering og bygging av eitt (1) mikrohus på tomt M13 i Mobø bustadfelt, gnr./bnr. 136/71. Totalentreprenøren skal levere eit komplett og innflyttingsklart bygg, inkludert all prosjektering, grunnarbeid, fundamentering, bygningsarbeid, tekniske installasjonar og tilknyting til kommunalt vatn, avløp og straum. Prosjektet skal gjennomførast i samsvar med framlegg til reguleringsplan for Mobø bustadfelt (PlanID 20240003) med tilhøyrande plankart, føresegner og planomtale. Dette omfattar mellom anna krav til plassering, byggehøgd, flaumtryggleik, terrengtilpassing og estetiske føringar for området. Kommunen tek atterhald om godkjenning av reguleringsplan. Dersom reguleringsplanen ikkje blir vedteken eller det skjer vesentlege endringar i planføresetnadene, forbeheld oppdragsgjevar seg retten til å avlyse konkurransen eller ikkje inngå kontrakt utan erstatningsansvar. Mikrohuset skal vere ein fullverdig bustad på inntil 30 m², med tilhøyrande isolert bod og carport. Totalentreprenøren står fritt til å foreslå planløysing og utforming innanfor rammene som er gitt. Bygget skal ha varmepumpe som hovudkjelde for oppvarming, samt alternativ energikjelde etter reguleringsføresegnene. Prosjektet skal prosjekterast som mikrohus i samsvar med forenkla reglar i byggteknisk forskrift (TEK17) og tilhøyrande rettleiing frå Direktoratet for byggkvalitet. Dette inneber at løysingar kan prosjekterast innanfor dei forenklingane som gjeld for mikrohus, herunder mellom anna krav til arealutnytting, funksjonskrav og tekniske løysingar. Tilbydar står fritt til å nytte desse forenklingane der dette gir gode og funksjonelle løysingar innanfor prosjektet sine rammer. Alle løysingar skal likevel vere eigna som varig bustad. Oppdragsgjevar legg til grunn at forenklingane ikkje skal gå på kostnad av tryggleik, inneklima, brukskvalitet eller langsiktig drift Uteområdet skal ferdigstillast med nødvendige tilkomstløysingar, fundamentering der det er relevant, overvasshandtering etter tretrinnsstrategien og tilknyting til eksisterande infrastruktur på feltet. Kommunen har ein absolutt kostnadsramme på kr 2,5 mill. inkl. mva., og tilbydarane skal levere eit komplett løysingsforslag som dokumenterer funksjonalitet, kvalitet, gjennomføringsevne og samsvar med gjeldande plan‑ og forskriftskrav.

What to check before bidding

• Issued by Vinje Kommune.
• Located in Norway.
• Source notice 2026-108382 on Doffin (NO).
• Notice published 8 May 2026; Tenqual indexed it 9 May 2026.
• Deadline listed as 5 Jun 2026.
• Create a free tender alert to catch similar opportunities before the deadline pressure starts.