Stækkun grunnskóla Egilsbraut 35

Summary

Um er að ræða viðbyggingu við núverandi grunnskóla í Þorlákshöfn. Byggingin er á tveimur hæðum með tæknirými á þaki. Brúttóflatarmál er 1.502,9 m² og brúttórúmmál 6.660,7 m³. Í byggingunni verða kennslustofur, sérgreinastofur (smíði, textíll, myndmennt og náttúrufræði), bókasafn, frístund, fjölnotarými, stoðrými, geymslur og salerni. Gert er ráð fyrir lyftu og fullu aðgengi. Húsið er hannað fyrir allt að 150 nemendur. Burðarkerfi er að meginstefnu til staðsteypt steinsteypa. Útveggir eru einangraðir að utan og klæddir loftræstri klæðningu. Þök eru einangruð og vatnsvarin. Verkið skal uppfylla kröfur byggingareglugerðar, staðla og hönnunargagna, m.a. um brunavarnir, aðgengi, hljóðvist og innivist.